Link açıqlığı

Keçken afta işğal etilgen Qırımnı ziyaret etken eyyetniñ başı Frenkistan deputatı Tyerri Mariani yarımadağa endi oktâbr ayında kelecek ola.

Bu aqta o iyül 27 künü basılğan France Info neşirine bildirdi.

Onıñ sözlerine köre, Frenkistan deputatları yarımadağa «Rusiye deputatları ile bağ tutmaq» ve «Qırım vaziyetini» öz közlerinen körmek niyeti ile kelgen ekenler.

«Qırım – böyle bir sonük zona, anda halqara telefon bağı bile söndürilgen», – dedi Mariani.

«Biz, ğaliba, kelecek sefer oktâbr ayında kelermiz», – dey deputat.

Frenkistan deputatları Qırımğa iyül 23-24 künleri, Frenkistan ve Ukraina yolbaşçılığınıñ qarşılığına baqmadan, kelip ketkenler.

Frenkistan Tış işler nazirligi bu ziyaretni tenqit etip, onı halqara uquqnıñ bozuluvı olaraq adladı. Ukraina Tış işler nazirligi de deputatlarnıñ Rusiye tarafından işğal etilgen Qırımğa ziyareti olarnen uyğunlaştırılmağanı ve ileride aqibetlerniñ olacağı aqqında bildire.

Birazdan Ukraina Tış işler nazirliginiñ başı Pavlo Klimkin nazirligi Ukraina havfsızlıq hızmetine muracaat etip, işğal etilgen Qırımnı ziyaret etken on deputat içün Ukraina kirişini yasaqlamağa rica etecegi aqqında bildirdi.

XS
SM
MD
LG