Link açıqlığı

Rusiye Qırımda alınğan qararlarnı nazarda tutıp, Ukraina topraq bütünligine qol tuta, dedi Rusiye baş naziri Dmitriy Medvedev matbuat konferentsiyasında.

«Bu ziddiyetniñ (Donbassta – muar.) arbiy çezüvi yoq olğanını ve bu ziddiyetni barışıq yolları ile, ilk olaraq taraflar arasında muzakerelerniñ keçirilmesi ile al etmege kerek olğanını tüşünemiz. Yani, resmiy akimiyet ve (Ukrainanıñ – muar.) cenübiy-şarqında olğan akimiyetni aytam», – dep bildire Medvedevniñ sözlerini RİA Novosti.

«Rusiye Federatsiyası bıltır Qırım boyunca alınğan qararlarnı nazarda tutıp, Ukraina topraq bütünligine qol tuta. Biz bu aqta mesleatlarnı devam etmege azırmız. Er alda faydalı olacağını tüşünem», – dey Medvedev.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG