Link açıqlığı

Türkiye politsiyası «İslâm devleti» ekstremist teşkilâtı ile bağ tutqanında şeklengen 15 insannı yaqaladı. Türkiye matbuat vastaları bildirgeni kibi, şeklengenlerni, olarnıñ arasında bir qaç çetel vatandaşı bar, iyül 27 künü saba erte Ankaranıñ Haçi Bayram rayonında yaqaladılar.

Yaqalanğan ecnebiyler qaysı devlet vatandaşları olğanı – belgisizdir.

Bunıñ ile akimiyet tarafdarı Yeni Safak neşirniñ malümatına köre, cenübiy-şarqiy Adiyaman şeerinde «Kürdistannıñ İş firqası» ile bağ tutuvda qabaatlanğan 19 insan yaqalanıldı.

İyül 24 kününden Türike Suriyede «İslâm devleti» ve İraq şimalinde yerleşken kürdlerniñ mevzilerine ücüm ete.

Türkiyeniñ ricası ile NATO iyül 28 künü Ankaranıñ «İslâm devleti» ve «Kürdistannıñ İş firqası» boyeviklerine qarşı küç ameliyatı boyunca acele muşaverelerni keçirecek.

XS
SM
MD
LG