İyül 27 kününe binayen Qırım ve Donbasstan 1,4 million köçip kelgen insan qayd etildi, haber ete Ukraina İçtimaiy siyaset Nazirliginiñ matbuat hızmeti.
Vilâyet ve Kiyev şeer devlet memuriyetiniñ ealiniñ içtimaiy qoruvı bölükleriniñ malümatına köre, Qırım ve Donbasstan köçip kelgen 1 mln 99 biñ 852 qoranta qayd etildi.
Nazirlikniñ malümatına köre, 458 biñ 774 qoranta nefaqağa ariza yazdı, 428 biñ 330 aile böyle yardımnı elde ete. Ödenilgen nefaqa miqdarı – 1,87 mlrd grn teşkil ete.
Rusiye Qırımnı 2014 senesi mart ayından işğal etkeninden soñ yerli sakinler yarımadanı terk etip, qıtaiy Ukrainağa köçmege başladı. 2014 senesi baarde Donbassta terrorizmge qarşı ameliyat başlandı ve alâ daa devam ete.
