Türkiyeniñ cenübiy-şimalinde, Diyarbakır şeeri civarında, cumaertesi künü aqşam maşina patlağanı sebebinden eki arbiy hızmetçi elâk oldı, dörtü yaralandı. Bildirilgeni kibi, maşina arbiy kolonna ketken yolnıñ qısmında patladı. Diyarbakır rayonı memuriyetiniñ bildirüvine köre, patlavnı terroristler keçirdiler. Türkiye akimiyeti böylece kürdlerni adlandıra, yaza Radio Svoboda.
Cumaertesi künü Kürdistannıñ İş firqası endiden Ankara ile barışıqqa riayet etmeycegini bildirdi. Bunı cuma künü Türkiye arbiy ava küçleri İraq şimalindeki Kürdistannıñ İş firqası lagerlerine ücüm etkeninden soñ ilân ettiler.
Türkiye Arbiy Ava quvetleri Suriyedeki «İslâm devleti» terroristik teşkilâtınıñ mevzilerine de ateş açmaqta. Türkiye baş naziri Ahmet Davutoğlu aytqanı kibi, ameliyat Türkiyege telüke olacağına qadar devam etecektir.
