Qırımtatar halqınıñ yetekçisi, Ukraina halq deputatı Mustafa Cemilev QHA agentligine bergen izaatında Qırımnıñ Rusiye Devlet şurası reisiniñ muavini Remzi İlyasov qorquzuvları sebebinden körecek cinaiy mesüliyeti aqqında hatırlattı.
«Bu yaltaqlarnı ruhiyatçılar baqmaq kerektir, hususan olarnıñ Erdoğanğa Kongressni yasaq etmek muracaatını köz ögümizge alsaq. Remzi İlyasovğa ise Rusiye telekorüvinden Qırımdan Kongress vekillerine «öz qorantalarıñıznı tüşüniñ» kibi qorquzuvları sebebinden cinaiy qanunnamege köre cevap bermege kerek olur», – dedi Cemilev, «Qırım» cemaat teşkilâtınıñ konferentsiyası iştirakçileriniñ Türkiye prezidenti Recep Taiyp Erdoğanğa avgust 1-2 künleri keçirilecek Bütündünya qırımtatar kongressine qol tutmamaq kibi ricasını izaatlap.
Qırım.Aqiqat yazğanı kibi, Qırımtatar Milliy Meclis reisi Refat Çubarov işbu konferentsiyanı muvafaqiyetsiz olaraq tanıy, iştirakçileriniñ bildirüvlerini ise Qurultaynıñ Merkeziy saylav komissiyasınıñ reisi Zair Smedlâyev tenqit etti.
