Keriçte parom keçiti nevbetinde yürekleri yaramağan eki insanğa «acele yardımnı» çağırdılar. Bu aqta Kerç.FM bildire.
«Parom keçitinde iyül 23 künü saat 17:31 acele yardım Keriçke paromda yol alğan 77 yaşında erkekke kerek oldı. Adamnıñ yüregi tutuştı. Ekimlerniñ aytqanı kibi, erkek seyahatından evel üç infarktnı yaşadı. Şimdi hastahanede buluna, alı ağırdır», – denile beyanatta.
Daa bir qadınnı Keriçke Temrüksk acele yardımınıñ maşinası ketirdi. 61 yaşında qadınnıñ da yüregi tutuşqandır.
Aynı zamanda, kerch.com saytı bildirgeni kibi, Keriçte paromlarğa nevbet ep arta. İyül 24 künü aqşamına nevbet «Stroygorodok» rayonında bite edi.
Tahminlerge köre, raatlıq künleri turistlerniñ Qırımdan qaytuv aqımı daa da artacaqtır.
