Qırım federal universitetinde ukrain tilşınaslığına kirmege istegenler tapılmasa, kafedra qapatıla bile. Bu aqta Ukrain medeniy merkeziniñ tesisçilerinden biri Leonid Kuzmin iyül 24 künü öz Facebook saifesinde bildirdi, – haber ete Qırım.Aqiqat.
«Bu sene «Ukrain tili ve edebiyatı» ihtisasına kirmege istegen 15 abituriyent tapılmasa, kafedranı qapatırlar! Bütün abituriyent (mektep, diger oquv yurtluranıñ mezunlarına) ve aliy tasilni elde etmege istegen er keske bildiriñ, bu ihtisasqa yarış iç olmaycaqtır. Şunıñ içün aliy oquv yurtuna kirmege ve bedava aliy tasilni almağa imkân büyüktir! 1300 rublelik stipendiya ile», – dey Kuzmin.
Onıñ sözlerine köre, bu ihtisasqa kirgen stundentler ekinci ya da dörtünci kurstan soñ diger fakultetke avuşa bilecektir.
«Bunıñ ile şu zenaat boyunca bedava ve stipendiya ile magistraturanı bitirmege mümkün olur, boş yerler bardır», – dey o.
Qırım.Aqiqat bildirgeni kibi, 2014 senesi sentâbr ayında Aqmescitte Vernadskiy adına Tavriya milliy universitetinde ukrain tilşınaslığı fakultetini yoq etip, üç kafedranı slavân tilşınaslığı falkutetine qoştılar.
