Link açıqlığı

Saatnıñ esas haberi

Uçaqlar Qırımdan Türkiyege uçmaycaq – Georgiy Logvinskiy


Qırımdan Türkiyege ava seferlerini keçirgen şirketlerni yuridik mesüliуetke çekecekler. Bu aqta Ukraina halq deputatı Georgiy Logvinskiy bildirdi.

«Qırımdan Türkiyege uçaqlar artıq qatnamay. Türkiyede Ukraina elçisi keçken afta körüşüvimizde bunı tasdiqladı ve bu kibi adisler artıq tekrarlanmaycağını qayd etti. Bunı em biz, em türk tarafı nezaret ete», – yazdı deputat Facebookta.

«Aqmescit-İstanbul qanunsız seferlerini keçirgen turistik ve ava şirketlerine nisbeten halqara soravlar taqdim etildi ve olarnıñ yuridik mesüliуetke celp etilmesi boyunca zaruriy areketler alıp barıla», – dep qoştı o.

Bunıñ ile Logvinskiy şunı qayd etti ki, tek Qırımdan doğru Türkiye ava limanlarına qatnağan seferler aqta söz kete. Başqa yerge, misal içün, Moskvağa oturtuvnı yapqan seferler sıñırlanmay.

Şimdi Qırımğa yalıñız Rusiye Federatsiyasınıñ ava şirketleri seferlerni keçire.

XS
SM
MD
LG