Link açıqlığı

Saatnıñ esas haberi

Qırım müftiyatı yerli akimiyet ile 16 asır camisiniñ qayd etilüvini muzakere ete


Qırımnıñ Qarasuvbazar rayonında Köktaş köyünde qırımtatarlarnıñ küçü ile yañıdan tamirlengen 16 asır camisiniñ aqlarını belgilegen vesiqaları yoq. Qarasuvbazar rayonı Rusiye memuriyetiniñ matbuat hızmeti bildirgeni kibi, bu mesele şimdi akimiyet ile muzakere etile.

«Qarasuvbazar rayonınıñ memuriyetinde rayon memuriyeti başınıñ muavini Nazim Yunusovnıñ reberligi altında Köktaş köyünde yerleşken cami binasına vesiqalarnıñ azırlanuvı boyunca muşavere keçirildi», – denile beyanatta.

Toplaşuvda Qırım musulmanları diniy idaresiniñ temsilcileri bulundı. Cami vesiqalarınıñ deral resmiyleştirüvi ile meraqlanğanlar.

Bildirilgeni kibi, Köktaş camisinde Oraza bayramı kününde bayram namazı keçirildi. Tamir işleri bıltır küzde başlandı.

XS
SM
MD
LG