Link açıqlığı

Ukraina haber havfsızlığınıñ mezebi endi işlenilgen ve muzakere etilmekte, amma Qırım meselesi ayrı maddeni talap ete. Bu kibi fikirni Ukraina haber siyaseti naziriniñ keñeşçisi Sergey Kostinskiy bildirdi, haber ete Qırım.Aqiqat.

«Qırım ayrı vesiqağa muhtac. Ukraina havfsızlığı mezebi taktika meselelerini al etemez. İşğal etilgen territoriya meselesi – taktika sualidir, oña ayrı vesiqa işlenip çıqarılmalı, ümüt etem ki, bunı yapıp olurmız, çünki ekspert, media-ekspertlerniñ azırlığı bar. Şimdilik ögümizde tek resurslar meselesi tura», – dey Kostinskiy.

Nazir keñeşçisi aytqanı kibi, mezep Ukraina Yuqarı Şurasına vaqtında taqdim etilir.

Evel haber siyaseti naziri Yuriy Stets Ukraina haber havfsızlığı boyunca mezepniñ 2015 senesiniñ soñuna qadar amelge keçirilecegine ümüdini bildirgen edi.

XS
SM
MD
LG