Link açıqlığı

Saatnıñ esas haberi

Qırımda melez genotsidi keçirile – Ayder Mujdabayev


ATR qırımtatar telekanalı baş müaririniñ muavini Ayder Mujdabayeva
ATR qırımtatar telekanalı baş müaririniñ muavini Ayder Mujdabayeva

Ukraina Qırımda qırımtatarlarnıñ gumanitar probleması aqqında toqtamayıp er seviyede aytmaq kerek, çünki anda üküm sürgen vaziyet «ilân etilmegen melez genotsididir», – dep ayttı ATR qırımtatar telekanalı baş müaririniñ muavini Ayder Mujdabayeva Radio Svoboda efirinde.

«Bu genotsid vaqtında adamlarnı qurşunğa tizmeyler, lâkin adamlarnı sürgünlikke zorlaylar, olarnıñ esas aq-uquqları bozula ve devlet maşinası ögünde qanunsızlıq yapıla», – dedi Ayder Mujdabayev.

Onıñ fikirince, Qırımdan çıqmağa mecbur olğan insanlarnıñ sayısını şimdi kimse aytıp olamaz, lâkin bu esnasnı gumanitar felâket dep adlandırmaq mümkün.

«Çıqqanda qırımtatarı olğanımdan ketem dep aytmay birisi. Lâkin halqara teşkilâtlarnıñ malümatına köre, 20-40 biñ kişi Qırımnı terk etti. Bu gumanitar felâket degilmi? Yarım asır devamında vatanına qaytıp olamağan qırımtatarlar içün – bu maneviy ölümge teñ kele», – dep ayttı Ayder Mujdabayev.

Qırımtatarlarnıñ milliy lideri, Ukraina halq deputatı Mustafa Cemilev «onıñ halqı Rusiye işğali şaraitlerinde inkişaf etemeycegini ve raat yaşap olamaycağını» aytqan edi.

Uquq qorçalayıcılarnıñ qayd etkenine köre, Rusiye Qırımğa kelgeninen qırımtatarlarğa basqı yapılmağa başladı, adamlar qıtaiy Ukrainağa köçmege mecbur oldılar. Qırımda ATR qırımtatar telekanalı qapatılğan edi.

Qırımnıñ Rusiye akimiyeti yarımadada basqı yapılğanını red ete, Rusiye Tışqı işler nazirligi ise «qırımtatar meselesini siyasetnen bağlamamağa» çağırdı.

XS
SM
MD
LG