Link açıqlığı

Saatnıñ esas haberi

18,5 biñ bala Qırım ile sıñırnı yañı qaidelerge köre keçti – Ukraina Devlet sıñır hızmeti


Ukraina Devlet sıñır hızmetiniñ matbuat hızmetiniñ reberi Oleg Slobodân
Ukraina Devlet sıñır hızmetiniñ matbuat hızmetiniñ reberi Oleg Slobodân

Ukraina Sıñır hızmeti balalarnıñ Qırım ile memuriy sıñırdaki nezaret noqtalarını Nazirler Şurasınıñ 367 qararında qayd etilgen yañı qaideler boyunca keçkeninde müsbet taraflarnı qayd ete. Bunı Kiyevdeki brifingde Ukraina Devlet sıñır hızmetiniñ matbuat hızmetiniñ reberi Oleg Slobodân bildirdi, – dep haber ete Qırım.Aqiqat mühbiri.

Onıñ aytqanına köre, 18,5 biñ bala, qarar işke tüşürilgen soñ, Qırımğa yol aldı. Matbuat hızmetiniñ malümatına köre, 900 red qayd etilgen edi.

«Cemaatnıñ haberi bar, ana-babalar evelden azırlıq köreler, böyle etip redlerniñ sayısı eksile», – dep ayttı Slobodân.

Ukraina Devlet sıñır hızmeti matbuat hızmetiniñ reberi hatırlattı ki, iyül 4-ten itibaren bala doğuv şeadetnamesi ile sıñırnı keçemez. Endiden soñ üç vesiqadan biri olmalı: passport, balanıñ yol vesiqası ya da ana-babasınıñ pasportında qayd.

Hatırlatamız, 2015 senesi iyün ayından başlap Qırım ile memuriy sıñırnı keçüv yañı qaideleri bar.

2014 senesi mart ayında Qırım Rusiye tarafından işğal etilgen soñ qıtaiy Ukraina ve yarımada arasında formal, asılında ise – tam bir sıñır peyda oldı.

Qırım vaqtınca işğal etilgen topraq olaraq ilân etildi. Bugünge qadar qıtaiy Ukrainanıñ Qırım ile «sıñırında» üç kiriş sıñır noqtası mevcut: «Perekop», «Armânsk» ve «Canköy», soñki ekisini Rusiyede halqara dep adlaylar.

XS
SM
MD
LG