Rusiyede insan aqlarından vekâletlisi Ella Pamfilova ukrain arbiyi Nadejda Savçenkonıñ bulunğan yerini aydınlatmağa talap etti.
Pamfilova bunıñnen bağlı muracaatlarnı Rusiye baş prokurorı Yuriy Çayka ve Cezalarnı yerine ketirüv federal hızmetiniñ yolbaşçısı (FSİN) Gennadiy Korniyenkoğa yolladı.
İyül ortalarında Savçenkonı Moskva SİZOsından Rostov vilâyetine avuştırdılar, anda onıñ işi boyunca mahkeme keçirilecek edi. Faqat ukrain arbiyiniñ adliyecilerine mahküm qayda bulunğanını bugünge qadar aytmadılar.
Rusiyede Savçenkonı keçken sene yazda Donbassta Rusiye jurnalistleriniñ ölüminde qabaatlaylar. İyül başında Taqiqat komiteti qabaatnı daa ciddiy cinayetke deñiştirdi. Savçenko qabaatını red etip, Rusiyege onı separatistler yollağanını, jurnalistler öldürilgende ise o esir bulunğanını bildire.
Rostov vilâyetiniñ Donetsk şeer mahkemesi ukrain arbiyiniñ işini iyül 30-da baqmağa başlaycaq. Bu kün diñlevler qapalı şekilde keçirilecek.
