Link açıqlığı

Afğanistanda çarşıda yüz bergen patlav neticesinde 19 insan elâk oldı


Ekimler patlavdan zarar körgen insanğa yardım köstereler, Faryab vilâyeti, 2015 senesi iyül 22 künü

Afğanistannıñ çoq insan bulunğan çarşısında yüz bergen patlav aqibetinde eñ azından 19 kişi elâk oldı. Patlav çarşenbe künü, iyül 22-de, Faryab provintsiyasında yerleşken Almar şeerinde olıp keçti.

Provintsiya valisi Abdula Sattar Bareziniñ aytqanına köre, elâk olğanlar arasında qadınlar, balalar ve, eñ azından, bir afğan askeri bar edi. Barezi qayd etti ki, tahminen 40 kişi yaralandı.

Yerli politsiyanıñ bildirgenine köre, ücüm maqsadı arbiyler edi, lâkin esasen adiy adamlar elâk oldı.

Afğanistan akimiyeti ve «Taliban» gruppirovkasınıñ vekilleri arasında keçirilecek barışıq muzakereleriniñ ekinci basamağı ögünde z bergen patlavdan mesülietni kimse özüne almadı.

Amerika Qoşma Ştatlarınıñ reberligi altında halqara koalitsiya orduları çekilgeninden itibaren şimaliy Afğanistandaki ücüm sayısı arttı.

XS
SM
MD
LG