Link açıqlığı

Rusiye Federatsiyasınıñ ükümeti «İqtisadiy inkişaf ve innovatsion iqtisadiyat» devlet programması çerçivesinde Qırımdaki küçük ve orta iş adamlarına qoltutmaq maqsadı ile 170,8 mln ruble yollaycaq, – dep haber ete Qırım Rusiye ükümetiniñ matbuat hızmeti.

Qayd etilgeni kibi, para miqdarı 2015 senesi iyül 18-de qararda belgilendi, oña binaen 16,9 milliard ruble Rusiyeniñ 85 subyeti arasında yarış neticesinde ayırıldı.

«Böyle adımlar Federatsiya subyektleriniñ devlet programmalarınıñ kapitalizatsiyasını ve küçük ve orta biznes boyunca belediye programmalarını arttırmağa yardım etecek, böylece maliye yardım kösterilecek küçük ve orta biznes subyetleri kenişleycek», – dep aytıla haberde.

Malüm olğanı kibi, Aqmescitte çarşı yoq etilgen soñ iş adamları Qırım ükümeti yanında piket ötkerdiler. Kezlevde ise iş adamlarınıñ işini sıñırlamağa başladılar.

XS
SM
MD
LG