Kiyevde Qırımdan ve Donetsk ve Lugansk vilâyetleriniñ işğal etilgen yerlerinden köçip kelgen insanlar terrorizmge qarşı tedbirler keçirilgen alanda bulunğan ukrain arbiyleri içün sarı-mavı bayraqlarnı ve diger vatanperver mahsulatını azırlaylar. Çarşenbe künü, iyül 22-de, «Ukrainanıñ bayrağı» programmasınıñ iştirakçileri işlerini taqdim etip, paytahtnıñ merkezinde ticaret noqtasını açtılar, – dep haber ete Qırım.Aqiqat mühbiri.
«Köçip kelgenlerge nasıl etip yardım etmek mümkün tüşüngen edik ve aynı vaqıtta orduğa yardım ete edik, bu eki şey bir oldı. Ordu bayraqlarnı istegen edi, imayecilerimiz tek aş, urba ve ayaqqap istemeyler, bayraqlarnı da isteyler. Ekinci taraftan, adamlarğa bir şey yapmaq kerek edi. Dedik ki: köçip kelgenler bayraqlarnı tiksinler. Birinciden, tasilsiz yapıla bilecek bir iş, ekinciden, bu mahsulat kerek», – dep ayttı leyha müellifi İnna Voloşina.
Faallerniñ bildirgenine köre, vatanperver timsallerinden kâr etilgen paranıñ 20% ukrain ordusınıñ ihtiyaclarına kete.
Olarnıñ aytqanına köre, köçip kelgenler açqan ticaret noqtasınıñ yanında terrorizmge qarşı tedbirler keçirilgen yerlerde bulunğan ukrain arbiylerine para toplaycaqlar.
