Noyabr 1-den itibaren Rusiyege izin vesiqalarını almayıp, yalıñız «Ukrainanıñ Donetsk ve Lugansk vilâyetleriniñ» sakinleri kirip olurlar, digerleri içün Rusiyede bulunuv qaideleri deñişecek, dep bildirdi Rusiyeniñ Federal migratsion hızmetiniñ yolbaşçısı Konstantin Romodanovskiy, dep haber ete UNİAN.
«Avgust 1-de 120 künlik uquq ve emek statusını belgileycek mehanizmni işke tüşüremiz. Ukraina vatandaşı çalışmaq ruhsetini, vaqtınca yaşav izni ya da başqa statusnı alsa – bir de bir problem çıqmaz», – dep ayttı Romodanovskiy Moskvadaki matbuat konferentsiyasında.
«Ukraina vatandaşı avgust 1-den soñ «kölgede» qalsa, özüni tanıtmasa, vesiqalarsız çalışa bir yerde, belki... Böyle vaziyette avgust 1-den soñ 120 keçkeninen oña üç yılğa kirişini yasaq etecekler», – dep qayd etti o.
Romodanovskiyniñ qayd etkenine köre, Ukraina vatandaşları Rusiye Federatsiyasını terk etmeyip, izin vesiqalarını almaq kerekler.
Ukraina Rusiye vatandaşlarınıñ kiriş qaidelerini deñiştirgen edi. Mart ayından itibaren Ukrainağa kire bilmek içün olarnıñ çetel pasportları olmalı.
