Krasnoyarsk ülkesinde, Sibirniñ şarqında yolcu avtobusı ve yük maşinasınıñ çarpışması neticesinde eñ azından 11 kişi elâk oldı.
Bunı İçki işler nazirliginiñ regional idare vekili Vladimir Yürçenko TASS agentligine bildirdi.
Onıñ malümatına köre, yol qazasında 28 kişi yaralandı.
«Anda yanğın çıqtı. Ateşni söndürdiler... Şimdilik yanğınnı söndürdiler», – dep ayttı militsiyanıñ vekili.
Qaza iyül 22-de saba Kozulskiy rayonındaki Şişkova köyüniñ yanında M-53 «Baykal» yolunda yüz berdi. «Şarıpova-Krasnoyarsk» yolunda avtobusta 50 insan bulundı. Elâk olğanlar arasında – yük maşinasınıñ eki aydavcısı. Yol qazasınıñ sebepleri aqqında malümat yoq.
