Link açıqlığı

Ukrainada ZAGS arizalarını artıq internet vastasınen bermek mümkün


Ukrainanıñ üç vilâyetinde – Kiyev, Odessa ve Dnepropetrovskta vatandaş alı senetleriniñ resmiyleştirilmesi boyunca arizalarnı internet vastasınen berüv leyhası başladı. Ukrain ükümetiniñ matbuat hızmeti bildire ki, endiden soñ ZAGS arizasını kâğıtta, em de evden çıqmayıp, online şekilde bermek mümkün.

«Vatandaş alı senetleriniñ devlet qaydı saasında muracaat» portalında qayd etilgen soñ vatandaşlar bala boğuvı ya da evlenmek niyeti aqqında ariza bere bileler.

«Vesiqalarnı elektron imza ile tasdıqlamaq mümkün, ya da kâğıtlarnı imzalamaq içün uyğun bir vaqıt belgilemege imkân bar. Portalda evlenmek içün saat ve yerni saylamağa ya da mütehassıs ile körüşüvni belgilemege imkân bar», – dep aytıla haberde.

Leyha iyül 20-de başladı. Online arizanı bergen ilk çiftni Dnepropetrovskta baş nazir Arseniy Yatsenük tebrikledi. Berilgen malümatqa köre, Kramatorsktan Pavel ve Mariupolden İnna Lvivde tanış oldılar.

Ukraina qayd vesiqalarını almağa istegen Qırım sakinleri yañı hızmetten faydalana bileceklermi-yoqmı Adalet nazirliginde şimdilik aytmaylar.

XS
SM
MD
LG