Link açıqlığı

Saatnıñ esas haberi

Rusiye sıñırcıları Qırımdaki «Çonğar» kiriş noqtasını vaqtınca qapattılar – Ukraina Devlet sıñır hızmeti


Ukraina tarafı Ukrainadan Qırımğa yol alğan vatandaşlarına yarımadağa «Çonğar» kiriş noqtasından kirmemege tevsiye ete. Bunı Ukraina Devlet sıñır hızmeti matbuat hızmetiniñ reberi Oleg Slobodân Qırım.Aqiqat mühbirine bildirdi.

«Qırım ile memuriy sıñırnı keçken vatandaşlarımıznıñ malümatına köre, rusiyelilerniñ kiriş noqtasında elektron sistema bozuldı, bu sebepten uquqiy resmiyleştirmesini talap etken ukrain nomeraları ile maşinalar ve yük maşinalarını almaylar», – dedi o.

«Biz, öz tarafından, yapacağımıznı yaptıq. Berdânsk çıqışında nezaret-kiriş noqtası tiklendi, vatandaşlarña Qırımnıñ diger kiriş noqtalarından faydalanmağa tevsiye etile», – dep qayd etti Slobodân.

2015 senesi iyün ayından itibaren Qırım ile memuriy sıñırnı keçüv qaideleri deñişti.

2014 senesi mart ayında Qırım Rusiye tarafından işğal etilgen soñ qıtaiy Ukraina ve yarımada arasında formal, asılında ise – tam bir sıñır peyda oldı.

Qırım vaqtınca işğal etilgen topraq olaraq ilân etildi. Bugünge qadar qıtaiy Ukrainanıñ Qırım ile «sıñırında» üç kiriş sıñır noqtası mevcut: «Perekop», «Armânsk» ve «Canköy», soñki ekisini Rusiyede halqara dep adlaylar.

XS
SM
MD
LG