İnterpol qıdırılğan şahıslar bölüginden Ukrainanıñ sabıq prezidenti Viktor Yanukoviç aqqında malümatnı sildi.
Yanukoviçniñ qıdıruvını lâğu etmege talap etken Joseph Hage Aaronson adliyeciler şirketi bildire ki, bu adliyecilerniñ muracaatından soñ oldı. Yanukoviçniñ imayecileri deyler ki, Ukrainada Yanukoviçni siyasiy sebeplerden taqip eteler.
Adliyecilerniñ bildirgenine köre, İnterpolda Yanukoviç aqqında malümatlarnı teren ögrenmege qarar aldılar.
Bu malümatlar olğan saife şimdi boş tura.
