Aqmescitteki Kozlov soqağında yoq etilgen çarşınıñ yerinde yol tamiri keçirilgen yerde alış-veriş yapmağa tırışqan satıcılarğa rastkelmek mümkün.
Qırım.Aqiqat mühbiriniñ bildirgenine köre, satıcılar sepetlernen turalar. Çoqusı allarda sebze, meyva ve pitelerni satalar. Satıcılarnı ağır tehnika ve yol işleri raatsızlamay.
Jurnalistlernen laf etmege istemegen satıcılar fotoapparatlardan qorqa ve eşyalarını tez-tez toplaylar.
Aqmescit akimiyeti Kozlov soqağındaki çarşını yoq etken edi. Satıcılar Qırım Nazirler şurası yanında piket ötkermege tırıştılar. Yerli akimiyetniñ malümatına köre, iş adamlarına Aqmescitniñ diger çarşılarında iş yerlerini teklif ettiler.
Eski çarşı yerinde tamir işleri başladı, soñra bu yerde naqliyat vastaları yürecek.
Bazarertesi künü, iyül 20-de, Aqmescit memuriyetiniñ saytında Merkeziy bazar civarında ticaret sıñırlanacağını bildirdiler.
