Suriye ile sıñırdaki Türkiyeniñ Suruç şeeriniñ medeniyet merkezinde yüz bergen patlav neticesinde 27 kişi elâk oldı, dep haber ete Türkiye İçki işler nazirligi.
Berilgen malümatqa köre, yüzge yaqın insan yaralanıp hastahanege tüşti.
Türkiye İçki işler nazirligi patlavnı «terroristik ücüm» dep adladı.
Medeniyet merkezi Suriyeniñ Koban şeerine 10 kilometr mesafede yerleşmekte.
Kütleviy haber vastalarınıñ malümatına köre, merkezde sotsialistik gençler birlikleri Federatsiyasınıñ 300 azası otura edi. Olar kürd küçleriniñ «İslâm devleti» radikal gruppirovkasınıñ boyevikleri ile çatışmalarda zarar körgen Koban şeerini ğayrıdan tikleycek ediler. İyün ayında «İslâm devletiniñ» ücümlerinden Kobanda 200 kişi elâk oldı.
