Link açıqlığı

Aqmescitniñ aylanma yolunda tamir işleri keçirilgen Saraylı Qıyat – Bötke (Mirnoye – Dubki) qısmı açıldı, dep haber ete Qırım Rusiye ükümetiniñ matbuat hızmeti.

Berilgen malümatqa köre, iyül 20-de yolnı Qırımnıñ şimdiki yolbaşçısı Sergey Aksenov açtı.

Aksenov keçken sene sentâbr ayında bu yerde elâk olğan qırımlılarnıñ soy-soplarına taziyelerini bildirdi.

Qırım.Aqiqat bildirgeni kibi, 2014 senesi sentâbr 28-de yerli saatke köre saat 3.30 aylanma yolunıñ bir qısmı omradı. Yolda çuqur peyda oldı. Bir maşina çuqurğa tüşti. Yol qazası neticesinde altı insan, şu cümleden eki bala elâk oldı. Olar toydan qayta ediler.

Çuqur diger maşinanıñ aydavcısını da yaraladı.

Matbuat vastalarınıñ malümatına köre, Aqmescitte omrağan yol soñki bir qaç yıl içinde Qırımnıñ eñ paalı qurucılıq obyektlerinden biri edi. PAO «Yujdorstroy» yolnı qurğan edi. Rusiye Taqiqat komitetiniñ Baş taqiqat idaresi işğal etilgen Qırımda cinaiy iş açtı.

Aksenov yol omravını ögrenecek ükümet komissiyasını meydanğa ketirmege avale etip, elâk olğanlarnıñ soy-soplarına 400 biñ rublelik yardım bermege vade etti.

Tamir etilgen yolnı başta baarde, soñra yazda açmağa vade etken ediler.

XS
SM
MD
LG