Link açıqlığı

Ukraina İçki işler nazirligi: Odessada yañı patlav yüz berdi, yaralanğan kişi bar


Odessa, patlav yeri - «Libertin» barı

Ukraina İçki işler nazirligi Odessada olıp keçken yañı patlav aqqında bildire. Nazirlikniñ matbuat hızmeti bergen malümatına köre, iyül 20-de saba saat dörtlerde militsiya haber aldı, Rişelyevskaya soq., 60 adresi boyunca «Libertin» barında patlav yüz berdi.

«Militsiya hadimleriniñ malümatına köre, belgisiz şahıs tarafından qapu altında qaldırılğan maddeniñ patlavı neticesinde müessise qaravulı yaralandı. Er kişi tibbiy müessisege alıp ketirildi», – dep aytıla haberde.

Matbuat hızmetiniñ malümatına köre, kiriş qapusı biraz boşuldı.

Vaqia yerinde «RGD-5» granatasınıñ parçaları tapıldı, olarnı ekspert-kriminalistik tedqiqine yolladılar. Al-azırda taqiqat-operativ gruppası ve patlav tehnik hızmetiniñ mütehassısları adiseni ögreneler.

Soñki vaqıtları Odessada patlavlar sıq-sıq ola. Çoqusı allarda militsiya bunı yaramazlıq ve mal-mülkke zarar olaraq tanıy. Uquq qoruyıcılarnıñ malümatına köre, Odessa ve Harkov bunıñ kibi cinayetler olğan şeerlerniñ liderleridir.

XS
SM
MD
LG