Link açıqlığı

Saatnıñ esas haberi

Aqmescitte Qırımnıñ Rusiye ükümetiniñ imayesi altında Oraza bayramını qayd ettiler


Aqmescitte Oraza bayramını qayd ettiler (video)
Bekleñiz, lütfen

No media source currently available

0:00 0:01:39 0:00

Aqmescitte Oraza bayramını qayd ettiler (video)

Aqmescitniñ Gagarin bağçasında qırımtatarlar Oraza bayramını qayd ettiler. Musafirler politsiyanıñ nezareti altında buluna ve metallodetektorlardan keçe ediler, dep haber ete Qırım.Aqiqat.

Sanada yarışlar keçirile, qırımtatar muzıkası yanğıray, gölniñ yanında Küreş yarışları keçirile, bazı oğlanlar ukrain urbasında keldiler, digerleri urbanı deñiştirip, onı Rusiye timsallerinen bezetmege yetiştirdiler.

Bağçada bediiy mallarnı, yadigâr, qırımtatar milliy urbası ve tamğalı kölmeklerni satalar.

Aynı bu yerde qırımtatar pilâvini pişirüv yarışı keçirilmekte. Qırımnıñ Rusiye ükümeti tamır halq içün teşkil etken bayram künü böyle edi.

Kündüz Oraza bayramında çoq adam yoq edi. Aqşam Gagarin bağçasına şimdiki akimiyet vekilleri keldi.

Qırım Müftisi acı Emirali Ablayev ve Qırımnıñ Rusiye nazirler şurasınıñ reis muavini Ruslan Balbek Küreş yarışlarını seyir ettiler.

Qırım.Aqiqat bildirgeni kibi, Kiyevde Oraza bayramı munasebetinen büyük bayram keçirildi, büyükler ve balalar içün eglenceli yarışlar oldı. Kün musulman adetlerine köre keçti.

Hatırlatamız, Qırımnıñ Bağçasaray şeerinde politsiya «Han-Çayır» 6-ncı mikrorayonınıñ sakinlerine Oraza bayramını qayd etmege yasaq etti. Keçken yılları 6-ıncı mikrorayonnıñ camisi yanında Oraza ve Qurban bayramlarında kütleviy tedbirler keçirile edi. Onı yerli faaller Qırımtatar Milliy Meclisiniñ yardımı ile keçire ediler.

Oraza bayramı – Ramazan ayınıñ bitmesini ifadelegen bayramdır. Onı bir qaç kün boyunca qayd eteler. Qırımda cuma künü, iyül 17-de, tatil ilân etilgen edi.

XS
SM
MD
LG