Link açıqlığı

Qırımtatar işbirlikçileri Krasnodar ülkesinde ev qıdıralar – Cemilev


Qırımtatarlarnıñ milliy lideri Mustafa Cemilev

Qırımtatarlarnıñ milliy lideri Mustafa Cemilevniñ fikirince, qırımtatarlar işğal vaziyetinde birleştiler, Qırımnıñ Rusiye akimiyeti ile işbirlik tutqanlar ise özüne Rusiyede ev qıdıralar, bunı o Qırım.Aqiqatqa bildirdi.

«Beklemegenimiz qadar halq birleşti. Halq böyle qıyın vaziyetlerge oğrağanda kâr elde etmege istegen işbirlikçiler de peyda ola. Elbet de, eskiden SBU (Ukraina havfsızlıq hızmeti), şimdi de FSB (Federal havfsızlıq hızmeti) tarafından desteklengen ve qırımtatarlarnı bölmek maqsadı ile çalışqan küçük gruppalar bar – az sayıda olğanlar Krasnodar ülkesinde ev qıdıralar, çünki bunıñ soñu kelecegini bileler», – dep ayttı Cemilev.

Hatırlatamız, iyül ayınıñ başında Qırımnıñ Rusiye prokurorı Natalya Poklonskaya bildirdi ki, qırımtatarlar prokuratura hadimleriniñ dörtte biri qırımtatarlar ola.

Qırımtatar Milliy Meclisi reisiniñ birinci muavini Nariman Celâl onıñ bu aytqanlarını izaatlap, Qırım akimiyeti qırımtatarlar oña qoltutqanını köstermege tırışqanını kösterecek ola. Bu laflar kerçek ile aynı degil, dep qayd etti Nariman Celâl.

XS
SM
MD
LG