Link açıqlığı

Qırımnıñ Bağçasaray şeerinde politsiya «Han-Çayır» 6-ncı mikrorayonınıñ sakinlerine Oraza bayramını qayd etmege yasaq etti, dep haber ete QHA.

«Adam az olsa, köylerde bayramnı qayd etmege yasaq degil», dep yaza haber agentligi.

Keçken yılları 6-ıncı mikrorayonnıñ camisi yanında Oraza ve Qurban bayramlarında kütleviy tedbirler keçirile edi. Onı yerli faaller Qırımtatar Milliy Meclisiniñ yardımı ile keçire ediler.

Bağçasaray musulmanları çaresini taptılar – Mir soqağındaki çoq qatlı evlerniñ qırımtatar sakinleri mesken yerde bayram ötkermege qarar aldılar.

Oraza bayramı – Ramazan ayınıñ bitmesini ifadelegen bayramdır. Onı bir qaç kün boyunca qayd eteler. Qırımda cuma künü, iyül 17-de, tatil ilân etilgen edi.

XS
SM
MD
LG