Link açıqlığı

Qırımnıñ Qırmızı kitap komissiyası qırmızı kitap ayvanları cedvelinden korostel quşını ve borsuqlarnı alıp taşlamağa istey, dep bildirdi quşlarnı qoruv ukrain cemiyetiniñ yolbaşçısı Oleg Dudkin Qırım.Aqiqatqa.

«Bizde bir quş bar – korostel. O, qoruv altında edi, av quşı degil edi. Bir ay evelsi Qırımnıñ Qırmızı kitap komissiyası bu quşnı qırmızı kitap ayvanları cedvelinden çıqarmağa teklif etti. Ne içün? Onı av quşı yapmaq içün», – dedi o.

Onıñ aytqanına köre, qanunğa köre bu quş qoruma altında buluna, lâkin – keçken asırnıñ soñunda bu asırnıñ başında onı tuta ediler.

«Qırımnıñ şimdiki avcıları ateşiniñ altında borsuq da qaldı. Onı Qırmızı kitaptan çıqarmağa teklif ettiler. Ayvan Qırmızı kitaptan çıqarılsa, o, av nişanı ola», – dep qayd etti Dudkin.

Onıñ bildirgenine köre, borsuq yağı pek faydalı, bu sebepten yarımadada onı atıp öldüre bileler.

Malüm olğanı kibi, yarımada Rusiye tarafından zapt etilgen soñ ukrain tabiat qorçalayıcıları cumhuriyetke kirip olamaylar.

Bundan ğayrı, Şimal-Qırım kanalından suv olmağanından saz quşları qıtaiy Ukrainağa «köçti».

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG