Link açıqlığı

Saatnıñ esas haberi

Poroşenko Qırım ile memuriy sıñırnıñ qorumasına qırımtatarlarnı celp etmege avale etti


Qırımtatarlar Qırım ile memuriy sıñırda Çonğar kiriş noqtasında nezaret işlerine celp etilecek, dep bildirdi Ukraina prezidenti Petro Poroşenko.

«Çonğardaki sıñır noqtası qabarcılıq timsali oldı. Nezaret işlerine qırımtatarlarnı celp etmege emir ettim», – dep yazdı Poroşenko Twitterde.

Cuma künü prezident Dnipropetrovsk vilâyetiniñ Krıvıy Rig şeerinde iş ziyareti ile bulunıp, uquq qoruyıcılar ile körüşti, dep haber ete prezidentniñ matbuat hızmeti.

Devlet yolbaşçısı Havfsızlıq hızmeti ve Devlet fiskal hızmetine aynı emirlerni berdi.

Bundan evel Qırım ve Aqyar meseleleri Ukraina Devlet hızmetiniñ yolbaşçısı Aslan Ömer Qırımlı memuriy sıñırdaki kiriş noqtalarını tenqit etken edi.

«Hususiy bir monitoring missiyası isbatladı – vatandaşlar içün şaraitler yeterli degil, vatandaşlarnıñ iddiaları ise sebepsiz degil», – dedi o.

2015 senesiniñ başında işğal etilgen Qırımnıñ Herson vilâyeti ile memuriy sıñırında tez-tez hızmet etecek noqtalar açılacağını bildirgen ediler.

2014 senesi mart ayında Qırım Rusiye tarafından işğal etilgen soñ qıtaiy Ukraina ve yarımada arasında formal, asılında ise – tam bir sıñır peyda oldı.

Qırım vaqtınca işğal etilgen topraq olaraq ilân etildi. Bugünge qadar qıtaiy Ukrainanıñ Qırım ile «sıñırında» üç kiriş sıñır noqtası mevcut: «Perekop», «Armânsk» ve «Canköy», soñki ekisini Rusiyede halqara dep adlaylar.

XS
SM
MD
LG