Link açıqlığı

Saatnıñ esas haberi

Adliyeci: Nadejda Savçenkonı Rostov vilâyetine avuştırdılar


Donbassta Rusiye jurnalistleriniñ ölümi aqqında cinaiy iş boyunca qabaatlanğan ukrain arbiyi Nadejda Savçenko Moskva SİZOsından Rostov vilâyetine avuştırıldı, dep bildirdi adliyecisi İlya Novikov.

Onıñ cuma künü Facebook saifesinde yazğanına köre, o, imayesi altında bulunğan Savçenkoğa kelgende onı Rostovğa avuştırğanlarını ögrendi.

Adliyeciniñ qayd etkenine köre, Savçenkonıñ bulunacaq yeri daa belli degil.

İyül 13-te Rusiye Baş prokuraturası qabaat qararı tasdıqlanğanını ve Ukraina vatandaşına nisbeten cinaiy işniñ Rostov vilâyetiniñ Donetsk şeer mahkemesine berilgenini bildirdi.

Nadejda Savçenko keçken sene iyül ayından berli Rusiyede apiste buluna. O, qabaatını red etip, eki kere açlıqnı ilân etken edi. İmayesi bildire ki, 25 yılğa qadar azatlıqtan marum qala bilecek ukrain arbiyini Ukrainadan hırsızlap, Rusiyege alıp kettiler.

Bütün dünyada Savçenkonı azat etmek talabı ile aktsiya ve kampaniyalar keçirile. Moskva şeer mahkemesiniñ soñki qararına binaen, onıñ apis müddeti sentâbr 30-ğa qadar uzatıldı.

XS
SM
MD
LG