Link açıqlığı

Saatnıñ esas haberi

Qırım Yuqarı Radasınıñ sabıq reisi, «Kommunistı Rossii» firqası Qırım bölügi komitetiniñ birinci kâtibi Leonid Graç bildire ki, Qırım akimiyetiniñ areketleri yarımadada «Rusiyege qarşı fikirler artmasınıñ» sebebi ola.

Bunı o Qırım.Aqiqatqa bildirdi.

Graçnıñ fikirince, bunıñ sebebi «merkezniñ areketsizligi» (Rusiye akimiyetiniñ – muar.) ve Qırım akimiyeti organlarınıñ «samooborona iştiraki ile» «faal qabarcılıq areketleri» ola.

«Qırımda Ukrainanıñ acınıqlı tercibesi tekrarlana bile, men «Pravıy sektor» aqqında aytam (adamlarnıñ ölümine ketirgen Mukaçevo adiseleri, – muar.). Belli vaziyette ve uquq qoruyıcı sistemasınıñ areketsizligi neticesinde «Pravıy sektor» bizde de ola bile», – dedi o.

«Anayasa nezareti ve Qırım akimiyeti, FSB (Federal havfsızlıq hızmeti, – muar.), Taqiqat komiteti tarafından qanunlarğa riayet etüv talapları quvetleştirilmese, bizler em qırımlılar, em de Rusiye içün yaramay bir yoldan kete bilemiz. Buña yol bermemek içün Qırımda anayasa nizamını tiklemek kerek», – dep qayd etti siyasetçi.

Graç Rusiye baş naziri Dmitriy Medvedevniñ federal nazir muavinlerini Qırım ükümeti erkânına kirsetmek teklifine qoltuttı. Onıñ zanınca, «Rusiye nezaretçileri Qırımda tertip-nizamnı yaparlar».

Qırımnıñ Rusiye yolbaşçısı Sergey Aksenov bildirdi ki, Rusiye prezidenti Vladimir Putinge qırımlılarnıñ qoltutuv seviyesi «ziyadesinden arta».

XS
SM
MD
LG