Ukrain tili ve edebiyatı imtianını bermegen 22 610 kişi student olamaz, dep bildirdi Ukraina tasil keyfiyetine qıymet kesüv merkeziniñ müdiri İgor Likarçuk.
Onıñ aytqanına köre, bu sene abituriyentlerniñ 76% imtianlarnı aldatıp bere, yani yasaq etilgen vastalardan faydalana. Aynı vaqıtta, Likarçuknıñ bildirgenine köre, bu sene Tışqı mustaqil imtianları vaqtında bir de bir bozuv qayd etilmedi.
Umumen 2015 senesi ukrain tili ve edebiyatı imtianını 256 biñ kişi bergen edi.
Malüm olğanı kibi, aqımdaki sene Qırım mekteplerniñ 65 mezunı Tışqı mustaqil imtianlarında iştirak etti, keçken sene 300 kişi imtian bergen edi.
Ukraina tasil ve ilim Nazirligi 2015 senesi Qırım mezunları içün Tışqı mustaqil imtianlarına qayd işlerini uzatqan edi. Mezun belli bir sebepten iyün 9-da (ukrain tili ve edebiyatı imtianınıñ künü) imtianğa kelip olamağan olsa, o, 2015 senesi iyün 27-de qoşma olaraq test bere bildi.
