Ukraina Baş prokuraturasınıñ taqiqat idaresi ve Kiyev İçki işler nazirligi militsiyası bölüginiñ gruppası «Ukrzaliznıtsânıñ» bir sıra departamenti, baş müdiriniñ mesleatçılarından biriniñ iş odasında ve elektrifikatsiya ve elektrik teminlevi departamentiniñ reberliginde tintüv keçire, dep haber ete şirketniñ matbuat hızmeti.
Haberge binaen, bu taqiqat areketleri Peçersk rayon mahkemesiniñ qararına köre, elektrik energiyasını berüvde bozuvlar boyunca keçirilgen mahkemeden aldım taqiqat çerçivesinde keçirile.
«Ukrzaliznıtsâda» qayd eteler ki, tintüv aqımdaki seneniñ iyül 7-de bu cinaiy taqiqat açılğan soñ tayinlengen demir yol saasınıñ yañı yolbaşçısınıñ faaliyeti ile bağlı degil.
Uquq qoruyıcılar «Ukrzaliznıtsâ» binalarında keçirilgen taqiqat areketlerini izaatlamaylar.
İyül 8-de Ukraina infrastruktura Nazirligi «Ukrzaliznıtsâ» Devlet demir yol memuriyetiniñ baş müdir vazifelerini eda etecek Aleksandr Zavgorodniyni tayin etti.
Zavgorodniyden evel şirketni Maksim Blank idare etken edi.
