Daa bir, Rusiyeniñ 32-nci «gumanitar konvoyı» cumaaqşamı künü, iyül 16-da, Donbassqa yol aldı. Bunı RİA Novosti agentligi Rusiye Fevqulâde vaziyetler hızmetine esaslanıp bildire.
«Saat 4:00 100 maşinadan ziyade Fevqulâde vaziyetler hızmetiniñ Donskoy qurtarıcı merkezinden çıqtı ve devlet sıñırına kete», – dep aytıla haberde.
Rusiye Fevqulâde vaziyetler hızmeti bildire ki, «konvoy» aşayt malları, ilâc, kitap ve defterlerden ibaret. Sıñır yanında kolonna ekige bölündi – birisi Donetskke, ekincisi Luganskqa yol alacaq.
Ukraina tarafı Rusiyeniñ bunıñ kibi yükleri Ukraina toprağına qanunsız, Ukraina ükümetiniñ iznini almayıp, Ukraina qanunlarını ve halqara qaidelerni bozıp keçkenini bir qaç kere bildirgen edi.
