Link açıqlığı

Çarşenbe künü, iyül 15-te, Ukraina Yuqarı Radasınıñ deputatları halq deputatı, Qırımtatar Milliy Meclisiniñ reisi Refat Çubarovnı insan aqları, milliy azlıqlar ve milletlerara munasebetler parlament komitetiniñ azası olaraq sayladılar.

Bu qararğa 243 deputat qoltuttı.

«Özü ve halqı misalinde insan aqlarınıñ bozulması ne olğanını yahşı bilgen ikmetli ve tecribeli insan sert olsa da, aqıllı areket etecek, o, komitet işini daa semereli yapacaq ve bazı müim meselelerniñ al etilmesini tezleştirecek», – dep izaatladı Çubarovnıñ tayin etilmesini onıñ zenaatdaşı Georgiy Logvinskiy.

Ukraina Yuqarı Radasınıñ insan aqları, milliy azlıqlar ve milletlerara munasebetler meseleleri komiteti 2012 senesi meydanğa ketirilgen edi. Komitet reisi Grigoriy Nemırâ ola, komitet azaları sırasında – qırımtatarlarnıñ milliy lideri Mustafa Cemilev.

Komitet Ukraina Yuqarı Radasınıñ insan aqları, etnomilliy siyaset, milletlerara munasebetler, tamır halqlar ve milliy azlıqlarnıñ aqlarından vekâletlisiniñ faaliyetini idare ete. Onıñ faaliyet alanına immigratsiya, qaçaqlar, mecburen köçip kelgenler, em de Ukrainada mesken berüv meseleleri kirmekte.

XS
SM
MD
LG