Link açıqlığı

Aqmescit akimiyeti yoq etilgen çarşınıñ satıcılarını yañı noqtalarda iş almağa çağıra


Aqmescit, Kozlov soq., Eski çarşı yeri

Aqmescit memuriyetiniñ reberligi Kozlov soqağında yıqtırılğan bazarnıñ satıcılarını şeerniñ diger çarşılarında ticaret noqtalarını almağa davet ete.

Bu aqqında haber Aqmescit şeeriniñ memuriyeti saytında yerleştirildi.

Haberge binaen, iş yerlerini cumaaqşamı künü, iyül 16-da, berecekler. Satıcılarnı Aqmescitteki Franko bulvarı, 25 adresi boyunca Aqmescit memuriyeti ticaret idaresiniñ küçük zalına davet eteler.

«Yanına pasport ve ayrı iş adamı qaydını tasdıqlağan vesiqalarnı almaq kerek», – dep aytıla ilânda.

Saba iyül 6 künü Aqmescitte politsiya şeer merkezindeki çarşını sarıp aldı, onı yıqmağa başladılar. Şeer memuriyetiniñ başı Gennadiy Baharev işbu areketler Qırım nazirler Şurasınıñ qararı ile amelge keçirilgenini bildirdi.

Açuvlanğan satıcılar Nazirler Şurasınıñ binasına bardılar, anda olarğa yañı iş yerlerini bermege vade ettiler.

İyül 12-den başlap eski çarşını temizleyler, yol hızmetleri yañı asfalt töşemege azırlanalar.

XS
SM
MD
LG