Link açıqlığı

İyül 18-ge qadar devam etecek Odessa halqara kinofestivali çerçivesinde ukrain rejissöri Kseniya Cornonıñ «Qırım» filmi kösterilecek.

Film cuma künü, iyül 17-de, «Azatlıq yolu» programması çerçivesinde numayış etilecek, dep aytıla festival saytında.

«Qırım» filmi 2014 senesi yazda çıqarılğan edi ve üç qırımtatar nesili, 70 yıl evelsi sürgünlikni körgen, qaytıp kelgen ve Qırımda doğğanlarnıñ ömüri aqqında tarif ete.

Mayıs 18-de, Qırımtatar halqı sürgünliginiñ qurbanlarını hatıra künü, «Qırım» filmi Cannes festivalinde, Short Film Corner yarıştan tış programması çerçivesinde numayış etilgen edi.

2015 senesi mayıs ayında film ilk halqara mukâfatnı aldı – Houston (AQŞ) Halqara kinofestivalinde Bronze Remi Award.

XS
SM
MD
LG