Aqyar istiraat evlerinde yaz mevsimi vaqtında politsiya hadimlerini yerleştirmege azırlar.
Bu aqta Aqyarnıñ Rusiye ükümetiniñ saytında aytıla.
«Laspide bugün raatlanıcılarnıñ aqımı pek büyük. İnsanlar em yollanmalar boyunca, em öz başına kele. İçki satıla. Bu kibi uzaq yerlerde yaz mevsimi vaqtında politsiyanı yerleştirmege kerek», – dey Aqyarnıñ Rusiye valisi Sergey Menâylo.
Aqyar boyunca Rusiye Federatsiyasınıñ İçki işler nazirligi idaresiniñ reberi Yuriy Kaşpur aytqanı kibi, Laspide kurort mevsimi devamında cemaat nizamınıñ qoruvı boyunca noqta açılacaqtır.
«İstiraat evleriniñ yolbaşçıları muvaqqat şeklinde politsiya hadimlerini yerleştimege azırlar», – dep qoştı Menâylo.
Evel Aqmescit şeer memuriyetinde yuvunuv içün 49 havflı yerni qayd ettiler, yerli akimiyet mında yuvunuvnı yasaq etip, 1,5 biñ ruble miqdarında para cezasını belgiledi.
