Rusiye prezidentiniñ matbuat kâtibi Dmitriy Peskov jurnalistlerge aytqanı kibi, Putin Qırımda iyül 2-den keçirilgen «Tavrida» Bütünrusiye yaşlar forumına barmağa planlaştırmay.
«Şimdilik aytamam, amma muayyen planlarında öyle şey yoqtır», – dey Peskov.
Onıñ sözlerine köre, Putin Vladimir vilâyetinde «Territoriya smıslov na Klâzme» Bütünrusiye yaşlar forumınıñ IT-tehnologiya nevbetiniñ iştirakçileri ile körüşecek.
İstidatlı gençlerni toplaycaq «Tavrida» Bütünrusiye yaşlar forumı Qırımda sentâbr 2-ne qadar sürecek. İlk sefer forumnı Qırımda bıltır, Rusiye tarafından işğal etilgeninden soñ, keçirdiler.
