Link açıqlığı

İşğal etilgen Qırım ile demir yol alâqasınıñ tiklenmesi içün Ukraina ükümetiniñ qararı kerek. Böyle qarar olğnada, yarımada tarafına trenler bir qaç saat içinde qatnamağa başlar. Bunı Kiyevde iyül 14 künü keçirlgen matbuat konferentsiyasında «Ukrzalіznitsâ»nıñ baş müdir vazifelerini eda etken Aleksandr Zavgorodniy bildirdi.

«Ükümet al etecek. Eger de alâqanıñ ğayrıdan tiklenmesi aqta qarar olsa, bir saatte bunı etermiz», – dey o.

Dekabr 27-den «Ukrzalіznitsâ» Qırım ile demir yol alâqasını toqtattı, em de yarımadağa qatnağan halqara trenlerni lâğu etti. Qırım yönelişinde trenler endi yalıñız Novoalekseyevka ve Hersonğa qadar bara.

2015 senesi iyün 16 künü Ukraina Devlet sıñır hızmetiniñ temsilcisi işğal etilgen Qırım ile demir yol alâqası yaqın kelecekte tiklenmeycegi aqta bildirgen edi.

XS
SM
MD
LG