Link açıqlığı

Saatnıñ esas haberi

Aksenov Qırım memurları aqlarınıñ qoruvı boyunca komissiya aqta avalesiniñ lâğu etilmesini «Rusiye qanunlarına ters kelgeni» ile añlata


Qırımnıñ Rusiye başı Sergey Aksenov devlet vazifelerini, devlet hızmeti ve belediye hızmeti vazifelerini eda etken şahıslarnıñ qoruvı boyunca mahsus komissiyanıñ teşkil etilmesi boyunca avalesini lâğu etti.

Bu aqta o Qırım telekanalında bazarertesi künü olğan canlı efirde bildirdi, haber ete Qırım.Aqiqat.

«Rusiye federal qanuniyetine ters kelgeni qararıma tesir etti (qararnı lâğu etmege)», – dey Aksenov.

O dey ki, memurlarnıñ taqdirlerini parlamentariyler çezecektir: «Komissiya lâğu etilmedi, qarar alındı endi, Qırım Cumhuriyeti Devlet şurasına şikâyet kelgende, deputatlardan iş gruppalarını teşkil etip, vaziyetni ögrenmek kibi avale endi aşkâr etilmeli».

Qırımda memurlarnıñ bir sıra yaqalanuvı neticesinde Aksenov iyül 8 künü memurlar aqlarınıñ qoruvı boyunca mahsus komissiyanı teşkil etti. İyül 11 kününden bu aqta vesiqa Qırım ükümeti saytında yoqtır. İyül 13 künü Nazirler şurası resmiy şekilde avaleniñ lâğu etilmesi aqta bildirdi.

XS
SM
MD
LG