Rusiye mahkemesi şiirinde Ukrainağa qarşı Rusiyeniñ areketlerіni ve Qırım işğalini takbih etken mektep ocası Aleksandr Bıvşevge mecburiy tüzetüv işlerіni maküm ettiler ve zenaat boyunca çalışuvğa eki yıllıq yasaqnı kirsettiler, haber eteler Rusiye matbuat vastaları.
Bunıñ ile Orlov vilâyeti Kromsk rayon mahkemesiniñ qararı ile onıñ bilgisaraını tutıp aldılar.
Bıvşevniñ özü Grani neşirine bildirgeni kibi, ceza müddeti – yarım yıl. Advokatı Vladimir Suçkov Dojd telekanalına aytqanına köre, söz 300 saatlik iş aqta kete. Sözlerine köre, ükümge itiraz bildirilecek.
Orlov vilâyeti Kromı qasabasından 42 yaşında alman tili ocası Aleksandr Bıvşev 2014 senesi mart 1-de internette «Ukraina vatanperverlerine» serlevalı şiirini aşkâr etti. Şiirde o Rusiyeniñ Qırım ve Ukrainağa nisbeten areketlerini takbih etti.
Bir aydan soñra «açıqköz vatandaşlar» yerli «Zarâ» gazetasına yazdılar. Muarririyet, öz nevbetinde, prokuraturağa muracaat etti. Bıvşevge qarşı «nefret ve duşmanlıqqa qozğalav» maddesi boyunca cinaiy iş açtılar.
«Ukrain vatanperverlerine» şiıri ekstremist olaraq tanıldı, Aleksandr Bıvşevni ise federal ekstremistler cevdeline kirsetiler. Avgust ayında onı mektep işinden vaqtınca boşattılar, sabıq zenaatdaşları ve talebeleri mahkemede oña qarşı şaatlıq ettiler.
Taraflarnıñ munaqaşı vaqtında prokuratura temsilcisi şair içün yarım yıllıq terbiyeleyici iş ve zenaat yasağını talap ete edi. Aleksandr Bıvşevniñ özü işini siyasiy olaraq tanyı. Radio Svobodağa bergen izaatında aytqanı kibi, bütün bu vaqıt devamında o akimiyet tarafından basqı is ete. Bıvşev qazançsız qalıp, ana-babasınıñ nefaqasına yaşay. Amma yazmağa devam ete. Aytqanı kibi, şimdi «Zapiski rusofoba» kitabını yazıp bitire.
