Link açıqlığı

Bazarertesi künü, iyül 13-de, Qırım Nazirler şurası binası yanında Aqmescit merkezinde Kozlov soqagındaki yoq etilgen çarşınıñ tuccarları toplandı.

Qırım.Aqiqatqa şaatlarnıñ aytqanı kibi, Lenin meydanı Nazirler Şurasınıñ binası yanında toplanğan satıcılarnıñ sayısı 10-dan ziyade degil edi. Olarnen birlikte anda politsiya hadimleri bulunğanından sebep özlerini muqayt alıp bardılar. «Faqat, bazıları cesaretlenip: «Aksenov, iş ber» dep qıçırmağa başladı», – dey şaat.

Nazirler şurasından bir reaktsiya oldımı, belgisiz. Tuccarlar ola bilecek repressiyalardan qorqıp, matbuat vastalarınıñ temsilcileri ile laf etmey.

Qırımnıñ Rusiye ükümeti saytında satıcılarnıñ talapları aqqında yañı malümat şimdilik yoqtır. Resmiy uquq qoruyıcı organlarnıñ hadimleri de izaat bermey.

Aqmescit şeer memuriyetinde deyler ki, iyül 13-den Kozlov soqağında tamir işleri başlandı.

İyül 6 künü Aqmescitte politsiya şeer merkezindeki çarşını sarıp aldı, onı yıqmağa başladılar. Şeer memuriyetiniñ başı Gennadiy Baharev işbu areketler Qırım nazirler Şurasınıñ qararı ile amelge keçirilgenini bildirdi.

Qırım Nazirler şurası yanında narazılıqnı bildirgen tuccarlarğa yañı ticariy noqtalarnı bermege vade ettiler.

Cuma künü, iyül 10-da, Aqmescitniñ Kozlov soqağında qurucılıq çöplügi yanıp tutaştı

XS
SM
MD
LG