Link açıqlığı

Qırımtatar Milliy Meclisiniñ reisi, Ukraina Yuqarı Şurasınıñ deputatı Refat Çubarov Qırımdan Kiyevge köçip kelgen ATR telekanalını Melitopol kabel yayınlavına qoşacaq olğanlarını bildire.

Çubarovnıñ sözlerine köre, böyle anlaşmalar keçken afta Melitopol yolbaşçılığı ile qabul etildi.

«Bunıñ ile Zaporojye regional meclisiniñ reisi, musulman cemiyeti ve «Azat» komitetiniñ ayrı azaları ile körüşip, Melitopol qırımtatar cemiyetiniñ Bütündünya qırımtatarlarnıñ kongressinde iştiraki ile bağlı suallerni muzakere ettik», – yaza Çubarov Facebookta.

Hatırlatamız, iyün 17 künü, musulmanlar içün muqaddes Ramazan ayı arfesinde ATR birinci qırımtatar telekanalı ve LÂLE bala telekanalınıñ Kiyevden sputnik ve internet vastası ile yayınlavı yañartıldı. İyün 18 künü ATR saibi Lenur İslâmov bu aqta resmiy şekilde Kiyevde Qırımtatar Milliy Meclisniñ reisi Refat Çubarovnıñ iştiraki ile keçirilgen matbuat konferentsiyasında bildirdi. O vaqıt ATR saibi Qırımda qalğan jurnalistlerniñ telekanalnıñ Kiyevden işlep başlağanına alâqası olmağanını bildird

Aprel 1-den dünyada yekâne ATR qırımtatar telekanalı, Rusiye litsenziyasını elde etalmayıp, yarımadada yayınlavını toqtattı. ATR yayınlavınıñ toqtatılması ile cumhuriyet akimiyeti qırımtatar cemaat telekanalını teşkil etmek teşebbüsini bildirdi. Onıñ fikrine köre, bu kanal qırımtatarlarnıñ doğru malümatnı elde etmek aqqını teminler.

XS
SM
MD
LG