Qırımnıñ Rusiye prokuraturası Aqmeçit rayonında Rusiye İçki işler nazirligi bölüginiñ yolbaşçısı ve muavinine qarşı qapar sebebinden cinaiy işniñ açılması aqta bildire.
Matbuat hızmetiniñ beyanatına köre, uquq qoruyıcılar «mütenasip izni olmadan tibbiy ilâclarnı satqan şahısnıñ mesüliуetke çekilmegeni içün 120 biñ ruble miqdarında qapar alğanlar».
«Mahkeme taqiqat organınıñ şefaatını qabul etti ve politsiya hadimlerini eki ay müddetine yaqaladı», – deyler mında.
Yaqalanğanlarnıñ mevamı belgisiz, olarnıñ ya da imaye izaatı da şimdilik yoqtır.
Qırımda iyül ayında tek uquq qoruyıcılarnı degil de, memurlarnı yaqalamağa başladılar. Olarnıñ arasında – Qırım sanayı naziri Andrey Skrınnik, Qırım bergi hızmetiniñ başı – Nikolay Koçanov ve digerleri.
Bu sebepten Qırımnıñ Rusiye başı yarımadada Qırım memurlarınıñ qoruvı boyunca mahsus organnıñ teşkil etilmesi aqta bildirdi.
