Link açıqlığı

Keriçte iyül 12 künü Balıqçı Künü çerçivesinde eñ lezzetli balıq şobrası yarışı keçti. Öz aşlarını şeerniñ bir qaç ğıdalama işhanesi taqdim etti. Balıq şorbasını yalıda büyük qazanlarda pişirip, istegenlerge tarqata ediler, amma bedava degil, haber ete Qırım.Aqiqat mühbiri.

«Endi bite! Fiyatı? Elli ruble!», – dep cevap bepereler satıcılar.

Bundan soñ keriçli ve şeer musafirleri rey berip, qavehane serlevaları ile kâğıtçıqlarnı mahsus qutuğa taşlay edi.

Balıq şorbasından ğayrı, adet üzre qavurılğan balıqnıñ lezzetine baqmağa teklif ete ediler.

Balıq aşlarınıñ tadına baqmaga istegenlerniñ sayısı az degil edi, çoqusı içün sofra başında yer yetmey, şunıñ içün insanlar yalıda ve çimende oturıp aşay edi.

Musafirlerni yerli icadiy taqımlar eglendire edi, Keriç sakinleriniñ çoqusı ve qavehane hadimleri yolaqlı urbağa kiyngen edi.

Balıq Künü Keriçte er sene şeer yalısında qayd etile, çeşit yarış ve oyunlar keçirile.

XS
SM
MD
LG