Link açıqlığı

Qırım işleri boyunca Rusiye Nazirligini bazarertesi künü yoq ete bileler – matbuat vastaları


Qırım işleri boyunca Nazirlikniñ yoq etilmesi aqta mesele üç künde çezilir. TAСС bildirgeni kibi, müessiseniñ şimdiki başı içün Rusiye ükümetiniñ apparatında yer azırlanılğan. «Kоmmersant FM» haber etkenine köre, Nazirlikni cumhuriyet memurları arasında qaparcılıq ile bağlı işlerniñ peyda oluvından sebep yoq etmege qarar aldılar.

«Qırım işleri boyunca Nazirlik bazarertesi künü yoq etile bile. Bu aqta TACC agentligine yarımada nazirler şurasında olğan qaynaq bildirdi. Agentlikniñ qaynağı şunı da qayd etti ki, Qırım işleri boyunca Nazir Oleg Savelyev Rusiye ükümeti apparatınıñ başı muavini ola bile», – denile beyanatta.

Qırımda ortağa çıqqan qaparcılıq davası yerli akimiyet ve uquq qoruyıcılar arasında açıq qarşılıqqa çevirindi. Qırım Rusiye akimiyetiniñ başı Aksenov aytqanı kibi, Qırım memurlarına qarşı cinaiy işler «Qırım itibarını tüşürmek» maqsadı ile «mahsus sımarlanğan».

Qırım işleri boyunca nazirlik 2014 senesi mart ayında Rusiye ükümeti terkibinde teşkil etildi. Nazirlik işiniñ esas neticesi – 2020 senesine qadar Qırım ve Aqyar inkişafınıñ yekâne federal programmasınıñ işlep çıqarılmasıdır.

XS
SM
MD
LG