Link açıqlığı

Cumaertesi künü, iyül 11-de, Bosna şarqında Srebrenica şeerinde on biñlerce insan toplanıp, 20 yıl evelsi Bosnalı sırblarnıñ tarafından öldürilgen sekiz biñ musulmannıñ hatırasını añacaqlar.

İştirakçiler arasında AB tış siyaseti başı Federica Mogherini, Türkiye baş naziri Ahmet Davutoğlu, Ürdün qıraliçesi Nur, AQŞ sabıq prezidenti Bill Clinton ve diger ecnebiy şahıslarnıñ adları qayd etilgen.

Tedbir çerçivesinde DNA analizi yardımı ile belgilengen daa 136 qurbannıñ cenazesi keçirilecek.

1995 senesi iyül 11 künü, Bosnada üç yıllıq cenkniñ soñunda, sırb orduları BMT göñüllilerini quvıp, musulmanlarnıñ yerleşüv yerini öz nezareti altına aldılar. Biñlerce musulman ormandan qaçacaq edi, amma sırb askerleri olarnı taqip etip, öldüre edi.

Sırb askerleri felemenk orduları bazasında qalğan 2000 erkekni qadın ve balalardan ayırıp, idam etti ve qardaş mezarlıqlarına attılar.

XS
SM
MD
LG